Dómsmál

Ég held að manni verði sjaldnar meira flökurt, en þegar maður les um slíkt mál eins og kemur fram í Mbl, í dag. Að það skuli vera til menn, sem geta ráðist á barnsmæður sínar ítrekað, á meðgöngu og misþyrmt gróflega. Hvað er að réttarkerfinu okkar og hvað eru þessir dómarar í veröldinni. Erum við ennþá lengst aftur á miðöldum, þegar það þótti ekkert tiltökumál, að berja og traðka á konum, bara af því þær heita konur. Vip erum líka menn, þó að kven sé bætt framan við Ég hefði haldið, að við værum komin lengra á vitsmuna stiginu, en svo að það séu dómarar, sem eru í réttarsölum okkar, og nánast afsaka gerandann. Þetta er eins og þeir hefðu klappað á bak mannsins og sagt" ekki gera þetta aftur góði " !. Þrír mánuðir ! er hreint og beint hlægilegt og að ekki skuli vera gerð krafa um, að þessi maður verði sendur í geðrannsókn og að gangast undir meðferð gegn valdbeitingu og reiðiköstum. Ég vona að þessi kona,  hafi ekki hugsað sér að eiga fleiri börn með honum, eða láta börnin þurfa að vera áhorfandur að slíku. Það er vitað mál. að börn sem alast upp við slíkt heimilishald, bíða af því skaða á sál og líkama. Mér finnst kominn tími til, að réttarkerfið sé tekið til gagngerar rannsóknar og hegningar hertar, þegar kemur að slíkum gjörningi, og  endurskoðaðar varðandi lengd og ákvæði. Skilorðsbinding á slíku er of mikið beitt og ekki verjandi, að maður sem hefur valdið annarri manneskju líkamlegum meiðingum, geti gengið laus og jafnvel haldið uppteknum hætti áfram.

Veður á norðurlandi vestra

Þegar ég sé veðurspá fyrir norðurland vestra, er ég heldur efins um, að það gildi þar. Enda komst ég að því, að norðurland vestra hjá veðurstofu, nær úr Eyjafirði í Hrútafjörð að ekki sé talað um að hafa Strandir þar með,finnst mér stundum heldur langsótt. Ég spurðist fyrir hjá veðurstofunni, hverju þetta sætti, en það var fátt um svör. Mér hefur verið sagt, að þetta sé frá tíma danakonungs og hann hafi látið skipta landinu í veðursvæði og þetta var útkoman. Ekki finnst mér það sérlega gáfulegt, því að veður eru ekki nær því alltaf söm í Eyjafirði, Skagafirði eða við Húnaflóa og inn til landisins, er veður mjög oft allt annað. Því þegar ég las þessa frétt. um 14°frost á suðurlandi, en minna fyrir norðan en meira skýjað, varð mér hugsða til þess, að undanfarið hefur verið hér í Vestur-Húnavatnssýslu afskaplega bjart yfir að líta, með 6°frosti og jafnvel minna, stjörnubjart á kvöldin og sól nánast upp á hvern dag. Ekki hægt annað en að dást af virkilega fallegu vetrar veðri frá því um áramót og þrátt fyrir margar spár fyrir þetta svæði, um snjókomu og jafnvel fannfergi, hefur það ekki látið sjá sig í þeirri mynd. Núna undir kvöld, fór að bera á éljagangi á Vatnsnesfjöllum og hreytti yfir Vesturhópsvatn. Afleiðingar þessa hér hjá mér í ásnum milli Víðidals og Vesturhópsvatns,er að komið hefur um það bil 2cm í mesta lagi og svo er það gengið yfir, Hvort að sjást einhverjar stjörnur, er svo sem ekki öruggt, en þær hafa verið mikið á kvöldin undanfarið og svo norðurljós hafa glatt okkur alla, vega öðru hvoru.Þetta læt ég svo duga um mínar vanga veltur, um veður og spár fyrir norðurland vestra, eða réttara sagt Vestur - Húnavatnssýslu.

Frostið fór niður í 14 stig